Член на планинарскиот клуб„Љуботен“ може да биде секој кој што доброволно пристапува и ги прифаќа целите и задачите на клубот. Во него можат да членуваат сите граѓани на Р.Македонија, но и странски државјани.

Планинарскиот клуб „Љуботен“ брои шеесеттина члена годишно. Годишната членарина за 2007 година изнесува 600 денари на член, а се плаќаат и додатни 350 денари за членство во ФПСМ преку П.К. „Љуботен“ во кои е вклучено лично осигурување. Членарината за лица под 18 години изнесува 300 денари.

Членовите на клубот може со определен попуст да го користат планинарскиот дом на Попова Шапка.
Според Статутот постојат органи на П.К. „Љуботен“, а тоа се Собранието, Претседателот, Извршниот Одбор, Секретарот, Благајникот, Надзорниот Одбор и Судот на Честа.

Претседател на П.К. „Љуботен“ е Јован Божиноски, а секретар на клубот е Димчо Грнчароски.

Членовите на клубот се собираат во неговите простории секој вторник и петок од 19:00 до 21:00 часот. На состаноците, членовите ги подготвуваат манифестациите на клубот, работат на определени проекти, ги планират тековните активности и се она што е поврзано со планинарскиот спорт.